bartulov kantunČovik i škoj: Otok bez judi bija bi jedna velika – sika. A ni judi bez otoka ne bi bili otočani, boduli

– Znaš li di ćeš ovega lita na godišnji?

– Žena nan je već rezervirala apartman na jedan otok, uz more.

– Otok, i to još uz more? Baš lipo. A vidiš, da nima mora, ne bi bilo ni otoka! A na koji je to otok?

– Zove se Škoj.

– Škoj?

– E, otok Škoj.

– Pa svaki ti se otok zove škoj!

– Je, ma ovi se škoj stvarno zove – Škoj!

– Biće ga tako zovedu jerbo tamo ima – puno škojki!

– Muči, da te ko ne čuje! To su nan rič još Mlečani ostavili u dotu, oni su svaki otok zvali – scogio, skođo! I danas jemaš, tamo priko puta Murtera, dva mala otoka, otočića, koji se službeno zovedu Školjić veli i Školjić mali. I šoto Tisnoga je još jedan otočić – isto Školjić, a u Malostonskome zalivu je i misto – Veliki škoj. A jedan put mi je niki profešur rek...