Nego, znate li vi šta je to – morska klupa mudraca?
Ne znate? A eno, morete je vidit u svako naše malo oli velo misto, naravski u svaku luku – uz more. Di god je riva, tot je i ona, vridni su je ljudi napravili od kamenih masiva, da lebićada oli olujno jugo ne potopi cilu rivu, ne izbaci brode nasuvo.
Po cili dan ekipa sidi doli na ti parapet Rive, ka na jednu dugu klupu. Svi su, da prostite, okrenili moru leđa i guzicu, i gledadu ljude kako šetadu po rivi, gori-doli, doli-gori. Sididu jedan do drugega i griju škinu na suncu. Nji more i vali, brodi i galebi ima bit i ne zanimadu. Gledadu i komentiradu prolaznike, čakuladu, ogovaradu, kritiziradu, stavjadu svoje pecete i prijedloge, koji put i pametne, niki kunjadu a niki pušidu pa čike bacadu u more…
A nima tega šta ovi mudr...