Bio je to jedan od onih dana kada imate neki špurijus da morate na more. I nema tega ča bi vas moglo okrenit da ostanete doma. Ni žena, ni dica, ni bilo koje obaveze i zadivi vas ne mogu fermat. A nije baš bija neki dan za guštat na moru.
Kišilo je onako lagano, dosadno jesenski i bilo je malo juga, a malo vitar priko škoja. Inšoma, malo poza obida obuka san se i ajde na brod. Sićam se ka da je bilo jučer, a ne u jedanajestom misecu pri 15 godišć.
Upalin motor i dok se malo ne zagrije zagrizem dvi-tri suve smokve i zalijen travaricon. Lagano partijen iz starogradskog porta i odma filajen panulu.
Vozin lagano kad makina zazuji ka luda. Lagano zakočim i kontram. Škaram od tri kvarta kila. Nastavljam prema Lanterni i na samu puntu dižem veliku ušatu. Nije loše, mislim ja, i nastav...