Po mom mišljenju srdela je kraljica ribe, bila ona soljena, frigana, marinirana oli spremljena na neki drugi način. Srdela je dušu dala i za takozvane fišpiknike za turiste jerbo se more ist rukon i nema opasnih kosti ča moredu nekome zapet u grlu. Još kad je stvarno friška, prava je delicija. Doduše, kako za koga...
Primjerice, Belgijci bi tili bit bonguštaji, ali se baš meni dogodilo da nisu tili ist najboju srdelu ča su mogli dobit. Naime, ka turistički vodič neko san vrime radija za neku belgijsku firmu i jenon ima fišpiknik na brodu.
Barba je ima prijateja ribara u Izoli pa smo tamo stali da kupimo srdele ča su još samo koju uru prije plivale morem. Da sve bude najboje za bonguštaje naš je kogo ribu ispeka samo toliko da je meso odstupilo od kosti, ali je sav šug osta u...